حتة دويقة

دول حبة كلام مكتومين من أيام الدويقة وبلوتها ... حمض منهم شويه وشويه اتنسوا ..

ومش باقي غير :

دموع في العين على ناس غريبة ... عاشت وماتت : ميته

طول عمرها .. و جبلها دايس على حلمها

بيكتم أى أهه لحزنها

بيقتل أى معني لفرحها

*******

وجثث صاحيه بتدور على جثث ميته ..

وقلوب بتبكى نفسها ..وقلوب بتبكي بعضها

وعيون تحت الركام مستنظره..

حد يلاقيها فتكمل فوق الارض موتها ..

ياتتنسي وتندفن تحتها !!

وعيون بتسرق من خيوط النور حبة أمل !!

تيجى تصرخ ... صرختها تطلع همهمة ...

وعساكر حالها زيهم جاية تدفن صوت حزنهم ...

وأم تصرخ

.على صرخة مقتولة ف قلب ابنها .....

وقع البلا واللى مات إرتاح ...

الاسم عيشة والكل مستني بلوته...

عبدالله أسامة