........

صباح الحزن المتقسم ....... علينا بالعدل

صباح الفرح المتفصل....... علينا بالقد

صباح الهمس المتكهرب ف شفايف القلب

صباح العند ف كلمة حق

صباح العند ف كلمة لأ


صباح الحلم السهاري ...
بيبقي قتيل مع نور الشمس

صباح الشمس اللي بتحضن .. أنغام الناي

صباح القهوة بالسكر.. أو صوت فيروز ...

***

صباح النسمه بتتمايل .... مع شجرة فل

صباح البسمه بتلالاي...
ف شفايفك بتطل


صباح شعرك المفرود...

صباح حزنك المفروض...

صباح لعبك مع الأيام...

صباح جريك مع الأحلام...


صباح أحزاني المتكسره

صباح البهجة المتأخره


صباح مشاعرنا متلخبطه ...

ف حاجات كتير متبسطه....!!!!